Цуваа

Миний бодол цуваа болон
Жагсаалын эхнээс дуу гаргасаар
Толгойн нэг хэсгээс
Нөгөө хэсэгрүү хөл тавин
Алхсаар тойрог үүсгэнэ

Тойрон тойрон алхахдаа
Дахин дахин нөгөө дуугаа
Хэмжээ дамжааг нь өөрчлөн
Давтан давтан аялахад
Тархи тэр чимээгээр дүүрнэ

Айдас хүйдсийн тухай юу
Аль эсвэл аймаар олон юмны тухай юу
Суу билигтэйнх үү, суудал хайзгайнх уу
Сулын тухай юу, чангын тухай юу
Үл мэдэгдэнэ

Хаа, хавирганд орших
Хар улаан мах халширна
Долоон нүхээр гоёсон
Дун цагаан сэмж хөлөрнө

Дуу гаргаад ч зогсолгүй
Талцаж хуваагдаад
Гаарч давраад
Гагнасан гинжийг таслан тоглоно

"Гагнасан гинжийг таслагтун"
"Хэнээр" гэж хариу бахирахад
"Та нараар" гээд бужигналдаж
Таван тийш тэсрэлцэнэ

Хөөр баясалтайнх уу
Хийх юмаа олж ядсандаа юу
Хэн нь хэнээ үзэхээр шийдсэн үү
Үйл лайгаа хуваалцахар шийдсэн үү
Хэн ч үүнийг мэднэ

Хаа, хавирганд орших
Хар улаан мах халширна
Долоон нүхээр гоёсон
Дун цагаан сэмж хөлөрнө